Oqaluttuassartaa
|
|
|
|
Atserneqarnera |
Nunatsinni 2000-tikkut aallartinnerani unamminernik Tunumi, Kujataanilu ingerlatsisalernikuupput aammalumi Sisimiuni ACR ingerlanneqartarluni. Aamma Nuummi Aasiannilu maraton-ertoqartarluni.
Qulaani unamminerit peqataaffigerusuttaraluarlugit, nunatsinni angalaniarnerup akisuallaarnerata killilertarmagu, eqqarsalersimavunga soormimi nammineq illoqarfitsinni arlaannik aaqqissuigutta. |
|
 |
|
Taava aaqqissuussinerit aamma atserneqartarmata, Arpannerup atissaanik Jørgen Kristensen-imut siunnersuuteqarpunga imatut:
Aanagaana 1970-sikkut aallartilaarnerani tassa 60-nik ukioqarluni, Oqaatsuniit augustip qaammataa unnukkut 19.00 missaani pisulluni Ilulissanut angerlarsimasoq.
Ilaqutariit iluminni isumaqatigiinngeriaramik, kamalluni aallarami eqqarsaatigisimanngilaa, August-iugami unnukkut taarsisartoq.
Taava Sarfaannguit nalleraalu taarsisimavoq, uannut taama oqaluttuarpoq. |
Jørgen Kristensen-imut pilersaarummik nunakkut Oqaatsuniit Ilulissanut arpatsitsisinnaanermik, saqqummiillunga isumaqatigineqarama suliniarneq aallartipparput.
Uanga september aallartilaarnerani 2001, kabelmåleri atorlugu Pisiffiup eqqaaniit Oqaattunut pisullunga kilometerilersorsimavara. |
|
 |
|
Ullaakkut aattaat taamanikkut tikippoq, tassa 12 timer angullugu ingerlasimavaa.
Tarrumut Uujuup kuua ikaarnilersaartarpaa. Aamma oqarpoq qasungaaramigooq ujarassuit isigisai aallalersutut isikkoqalertarnerarlugit. Taassumap arnap utoqqaap aterivaa, Cecilie.
Taamaammat arpanneq Ceciliemik atsersinnaanera qulaani oqaluttuaq tunngavigalugu siunnersuutigaara.
Taamannallu ateqarluni, arpanneq siullermik ingerlanneqartalerpoq. |
| |
|
|
|
|
Arpaqqaarneq
Arpanneq siulleq ingerlanneqarpoq 22. september 2001.
Angutit qulit arnallu tallimat, tamarmik Oqaatsuniit arpapput.
Ulloq taanna seqinnerpoq siallilertarluni anorlerluni masannartuliortarlunilu. |
|
 |
|
|
| |
|
|
|
|
Taassuma kingorna isumaqatigiippugut september kingusippallaartoq, silarlussinnaaneranut qanippallaarluni.
Taava aaliagernikuuvugut Julimi Weekend aappaani arfininngornikkut tamatigut ingerlattalerniarlugu.
Taamatullumi 2002-miilli ingerlattalerparput.
Bernhardt Olsen
Ceciliemik aallarniisoq |
|
 |
|
|
| |
|
|
|
|
